RF Qaraçay-Çərkəzin Dombay rayonunda 263 hektar meşə sahəsi yanıb.
Bu barədə Fövqəladə Hallar Nazirliyi məlumat yayıb.
Aktiv yanma sahəsi 15 hektardır və yanğınsöndürənlər yanğını söndürməkdə davam edir.
Qurumdan bildiriblər ki, çətin keçilən yerlərdə baş verən yanğının söndürülməsi üçün Ka-32 helikopteri gətirilib və artıq 12 məqsədli su buraxılışı həyata keçirilib.
Avqustun 22-də Teberdin Milli Parkının ərazisində meşə yanğını başlayıb. Fövqəladə vəziyyət zonasından 236 nəfər təxliyə edilib.
