“Şərq qapısı” qəzetinin əməkdaşlarının maaşları artırılıb.
Yeni ştat cədvəlinə uyğun olaraq qəzetin əməkdaşlarının əməkhaqları avqust ayının 15-dən yeni məbləğdə müəyyənləşib.
Məlumata görə, yaxın gələcəkdə qəzetin maddi-texniki bazasının yenidən qurulması üçün də işlərə başlanılacaq.
Qeyd edək ki, “Şərq qapısı” qəzeti XX əsrin əvvəllərində – 1921-ci il noyabr ayının 9-da Naxçıvanda nəşrə başlayan ilk mətbu orqanlardan biridir. 2010-cu ildə qəzet redaksiyası üçün yeni bina istifadəyə verilib, qəzetin rəngli nəşrinə başlanılıb. Hazırda qəzet həftədə beş dəfə çıxır.
