Bütün qubernatorlar, bölgə rəhbərləri, sığınacaq sahibləri bu barədə xəbərdar olunub...
Qarabağdan – işğal etdikləri Azərbaycan torpaqlarından İrəvana qaçmış ermənilər mitinqlərdə iştirak edərlərsə, müvəqqəti yerləşdirildikləri evlərdən çıxarılmaqla təhdid olunurlar.
Bu barədə işğalçı ölkənin "Hraparak" qəzeti yazır.
“Bir neçə gündür ki, Qarabağdan olan qaçqınlardan xırda dövlət məmurlarının onlara Nikol Paşinyanın istefası tələbi ilə keçirilən mitinqlərdə iştirakı qadağan etməsi barədə siqnallar alırıq. Bütün qubernatorlar, bölgə rəhbərləri, Qarabağ sakinlərinin sığındığı müxtəlif sığınacaq sahibləri qaçqınlara etiraz aksiyasında iştirak edən birini görsələr, evlərindən məhrum etmələri barədə xəbərdar olunublar.
Dünən bu xəbərə aydınlıq gətirmək üçün bütün qubernatorlara tək-tək telefon açdıq, lakin zənglərimizə cavab verən olmadı" -deyə erməni qəzetində bildirilir.
