“O yerlərə getdim-gəldim, Şuşadan torpaq da gətirmişəm və indi şəhidlərimizin məzarı üstünə səpəcəyik”

Bunu Moderator.az-a açıqlamasında Şuşa Könüllü Özünümüdafiə batalyonunun-816 saylə birləşməsinin komandiri Fəxrəddin Səfərov deyib. Keçmiş komandir gətirdiyi Şuşa torpağını şəhidlərimizin məzarı üstünə səpəcəyini deyib:

“O yerlərə getdim-gəldim, Şuşadan torpaq da gətirmişəm və indi şəhidlərimizin məzarı üstünə səpəcəyik. Ali Baş Komandanımızın televiziyada çıxışı zamanı meşədəydik və dostlar bizə zəng vuraraq bu xoş xəbəri çatdırdılar. Şuşanın bir kilometrliyindəydim, Azərbaycanın hünərli oğlanları mənə Şuşa torpağı da gətirdilər. Bu haqda artıq bilmirəm nə deyim, sanki sözümüz elə bil qurtarıb. Həmin topağı şəhidlərimizin qəbiri üstünə çimdik-çimdik səpəcəyik. Mən bununla bağlı Şuşa şəhər İcra Hakimiyyətinin başçısına da məlumat vermişəm”.