![Bayden koronavirusa YOLUXDU](https://files.modern.az/photo/orginal/2024/07/18/1721274813_biden_official_1.jpg)
ABŞ prezidenti Co Bayden koronavirusa yoluxub və xəstəliyin yüngül simptomları müşahidə olunur.
Bu barədə Ağ Evdən məlumat verilib.
"Bu gün Las-Veqasdakı ilk tədbirindən sonra prezident Baydenin COVID-19 ilə bağlı testi pozitiv çıxıb. O, peyvənd olunub və gücləndirilmiş müalicə alıb və onda yüngül simptomlar müşahidə olunur", - deyə Ağ Evin mətbuat katibi Karin Jan-Pyer bildirib.
Qeyd olunub ki, prezident Delaverdəki evinə gedəcək və burada "özünü təcrid edəcək və bu müddət ərzində bütün vəzifələrini yerinə yetirməyə davam edəcək".