BMT-nin Ərzaq və Kənd Təsərrüfatı Təşkilatı (FAO) Somalidə ərzaq təhlükəsizliyini yaxşılaşdırmaq üçün 25 milyon dollar yardım edəcək.
Bu barədə qurumun açıqlamasında deyilir.
Maliyyələşdirmə Somalinin Hirshabelle əyalətindəki Cavhar qəsəbəsində kiçik fermerlər üçün kritik infrastrukturun bərpası və iqlimə uyğun kənd təsərrüfatının təşviqi üçün istifadə olunacaq. FAO-nun məlumatına görə, layihə torpaqdan daha məhsuldar istifadə etməyə imkan verən daşqından mühafizə və etibarlı suvarmanı təmin etməklə Somali fermerlərinə dəstək verəcək.
