Papa I Fransisk gələn il Nikea Birinci Ekumenik Şurasının ildönümünü qeyd etmək üçün Türkiyəyə səfər etməyi planlaşdırır.
Bu barədə cümə axşamı dünya pravoslav xristianlarının ruhani lideri məlumat verib.
Xristianlığın ilk əsrləri İsanın necə həm Allah, həm də insan ola biləcəyi ilə bağlı qızğın mübahisələrlə yadda qaldı və Kilsə bu məsələni 325-ci ildə Nikea Birinci Ekumenik Şurasında həll etdi.
İqamətgahı İstanbulda olan Ekumenik Patriarx Bartolomey Portuqaliyanın paytaxtı Lissabonda təşkil edilən tədbirdə deyib ki, Papa Fransisk bu mühüm ildönümünü birlikdə qeyd etmək istəyir.
O, qeyd edib ki, Fransisk Nikea Birinci Ekumenik Şurasının şəhəri olan İznikə yola düşməzdən əvvəl İstanbuldakı Konstantinopol Ekumenik Patriarxlığını ziyarət etmək niyyətindədir.
Ekumenik Patriarx Varfolomey də səfərin təşkili üçün komissiyanın yaradıldığını və Vatikanın yaxın vaxtlarda bu məsələ ilə bağlı Türkiyə hökuməti ilə əlaqə saxlayacağını bildirib.
Qeyd edək ki, Frensisk dekabrda 88 yaşını qeyd edəcək. Səhhətinə görə beynəlxalq səyahət onun üçün getdikcə çətinləşir.
