Tədbirdə Yevlax Şəhər İcra Hakimiyyətinin Başçısı Anar Tağıyev, YAP Yevlax rayon təşkilatının, rayonun hüquq-mühafizə orqanlarının, idarə və müəssisələlərin rəhbərləri, kollektivləri, şəhid ailələrinin üzvləri, qazilər, müharibə veteranları, rayonda məskunlaşmış Xocalıdan sakinləri və rayon ictimaiyyətinin nümayəndələri iştirak etmişlər.
Tədbir iştirakçıları Yevlax şəhər Şəhidlər Xiyabanında Xocalıda şəhid olmuş həmvətənlərimizin xatirəsinə inşa edilmiş abidəni, vətənimizin azadlığı uğrunda canlarını qurban vermiş şəhidlərimizin məzarlarını ziyarət etmiş, önlərinə gül dəstələri düzərək, müqəddəs ruhlarına öz ehtiramlarını bildirmişlər.
Şəhər İcra Hakimiyyətinin Başçısı ziyarət zamanı şəhid ailələrinin üzvləri və Xocalıdan olan sakinlərlə görüşərək onlarla səmimi söhbət etmişdir.
Tədbirin zamanı Yevlax Şəhər Yaradıcılıq Evinin əməkdaşlarının ifasında Xocalı faciəsinə həsr edilmiş “Hamımız Xocalıyıq” adlı ədəbi-bədii kompozisiya nümayiş etdirilmişdir.
