Goranboy rayon Todan kənd ərazisində keçirilən toy mərasimində qonağa bıçaqla xəsarət yetirməkdə şübhəli bilinən şəxs saxlanılıb.RegionTV.info-nun məlumatına görə, kənd ərazisində keçirilən toy mərasimi zamanı düşən mübahisə zəminində, 1988-ci il təvəllüdlü Məmmədov Kərəm Rasim oğluna kürək və qabırğa nahiyəsindən bıçaq xəsarətləri yetirməkdə şübhəli bilinən şəxs, Goranboy rayon sakini, 1977-ci il təvəllüdlü Vüqar Səfərov polis əməkdaşları tərəfindən saxlanılıb.
Qeyd edək ki, xəsarət alan xəstəxanaya yerləşdirilib və hazırda vəziyyəti orta-ağır qiymətləndirilir.
Faktla bağlı Cinayət Məcəlləsinin müvafiq maddəsi ilə cinayət işi açılıb, araşdırma aparılır.
1 Avqust 17:13
Goranboyda bıçaqlanma hadisəsi qeydə alınıb.
RegionTV.info-nun məlumatına görə, hadisə Todan kəndində keçirilən toy mərasimində baş verib.
Belə ki, 1988-ci il təvəllüdlü Məmmədov Kərəm Rasim oğlu mərasimdə baş verən mübahisə zamanı kürək və qabırğa nahiyəsindən bıçaq xəsarətləri alıb. O, xəstəxanaya yerləşdirilib. R.Məmmədovun vəziyyəti orta-ağır qiymətləndirilir.
Faktla bağlı araşdırmalara başlanılıb.
