RegionTV.info Layihənin adı: “Uğur Üçbucağı”
Layihəni icra edən ümumi təhsil müəssisəsi: Gəncə şəhəri, 24 saylı tam orta məktəb
Layihənin icra müddəti: 15.10.2020 – 15.02.2021
Layihənin məqsədi: Gəncə şəhər ümumtəhsil məktəbləri üzrə IX sinif buraxılış imtahanlarında zəif nəticə göstərən məktəblərdə səmərəli müəllim-şagird-valideyn münasibətləri qurmaqla şagirdlərin buraxılış imtahanlarında yüksək nəticə göstərmələrinə nail olmaqdır.
Əsas fəaliyyətlər və əldə olunan nəticələr:
Layihə çərçivəsində Gəncə şəhər ümumtəhsil məktəblərindən təlimlərə cəlb olunmuş 6 məktəbin ümumilikdə 90 şagirdinə, onların valideynlərinə və 30 nəfər müəllimlərinə təlimlərin keçirilməsi nəzərdə tutulmasına baxmayaraq layihə maraqla qarşılandığından daha 2 məktəbdən əlavə olaraq 20 nəfər şagird və valideynləri layihəyə cəlb olunmuşdur. Ümumilikdə 8 məktəbdə təhsil alan 110 nəfər şagirdə, onların valideynlərinə və 30 nəfər müəllimlərinə təlimlər keçirildi. Layihənin həyata keçirildiyi müddətdə təşkil edilən təlimlərə 9-cu sinif şagirdləri, onların valideynləri, buraxılış fənn müəllimləri, sinif rəhbərləri, psixoloqları cəlb edildi. Müəllimlərə şagird–müəllim əməkdaşlığın faydaları və üstünlükləri, müəllimin peşə səriştəliliyinin meyarları, pedaqoji dəstək müəllim səriştəliliyin amili kimi, peşəkar müəllimin dərsi, müəllim öyrədəndir, tərbiyəçidir, təbliğatçıdır, nümunədir, şagirdlərin təhsil və inkişafında valideynlərlə əməkdaşlığın əhəmiyyəti mövzularına aid təlimlər keçirildi.
Şagirdlərə öyrənmə metodlarından düzgün istifadə, açıq və situasiya tipli tapşırıqlar, məntiqi tapşırıqlar və mətnlərlə işləmə vərdişlərinin aşılanması, şagirdlərin təhsil və inkişafında valideynlərlə əməkdaşlığın əhəmiyyəti , şagirdlərə öyrənmə metodlarından düzgün istifadə şagirdlərə bilik və bacarıqları inkişaf etdirmək üçün vərdişlərin yaradılması mövzularına aid təlimlər keçirildi
Valideynlərə Valideynlərin tədris prosesinə cəlb edilməsinin faydaları və üstünlükləri, məktəb valideyn ünsiyyətinin effektivliyi, evdə təhsil prosesinin izlənilməsi haqqında biliklər , səristəli valideyn amili, şagirdlərin təlim keyfiyyətlərinin yaxşılaşdırılması üçün valideynlərin lazımi bilik və bacarıqlara yiyələnməsinin əhəmiyyəti mövzuları üzrə təlimlər keçirildi.
Nəticədə Müəllimlərdə pedaqoji dəstəyin ilk növbədə şagirdin öz qüvvəsinə inam yaradılması, onun gücünə, bacarıq və qabiliyyətinə təkan verilməsi, çətinliklərin aradan qaldırılmasında onlara yardım göstərilməsi istiqamətində uğurlu müəllim-şagird münasibətləri formalaşdırıldı. Peşə səriştəyinində müəllimlər özünə inamının yüksəlməsinə, öz fəaliyyətlərindən və onun nəticələrindən daha çox razı qalmalarına nail oldular.
Şagirdlər öyrənmə potensiallarının yüksəlməsinə bilik ,bacarıq və vərdişlərə yiyələnməyə nail oldular. müəllimlər dərslərin daha maraqlı və məzmunlu olmaqla bərabər şagirdlərdə dərsə həvəs, dialoq, sərbəst düşüncə,sağlam psixoloji mühitin yaranmasına, düzgün qurulmuş müəllim-şagird münasibətləri üçün vacib olan lazımi peşəkarlığa və səriştəyə əsaslanan bilik və bacarıqlarını artırmış oldular. Uşaqların yaşadığı əsas psixoloji problemlər müəllimlər tərəfindən daha da diqqətlə izlənildi. Şagirdlərdə komplekslər və ilk addım atmaq qorxusu mövzusunda özünə inamın artırılması üçün texnikalardan istifadə edərək psixoloji gərginliklərinin azalmasına səbəb oldu. Həmçinin “Peşəseçimi” mövzusunda təlimimizdə Holland testi vasitəsi ilə uşaqların şəxsi keyfiyyətinə uyğun peşələr müəyyən olunduğu üçün artıq özlərinə rahat, doğma olan yol, istiqamət və öyrənmə texnikaları seçmək bacarığı formalaşa bildi.
Valideynlər isə bacarıq və vərdişlərin inkişafına nail oldular. Beləki, övladlarının təhsil prosesində iştirak edən valideynlər öz övladlarına qarşı daha anlayışlı olmağa, uşağlarının sosial, emosional və intelektual inkişafı üçün daha çox diqqət ayırmağa, övladlarına qarşı daha qayğıkeş, daha az sərt olur və onların nailiyyətlərini daha çox qiymətləndirməyə başladılar. Valideynlər məktəb həyatına cəlb olunduqları üçün, şagirdlər məktəbə, təhsilə və öyrənməyə qarşı daha xoş münasibət bəsləməyə başladılar.Valideynlər ilə təlimlərin nəticəsi olaraq isə məktəblə daha çox tərəfdaş rolu oynamağın cəmiyyətdə məktəbin imicinin daha da yüksəlməsinə, valideynlər öz ailəsinin və övladının təhsilə olan ehtiyaclarını qarşılaya bilmək üçün müxtəlif imkanlardan daha bacarıqla istifadə etməsinə, övladına öz fikirlərini və problemlərini daha dəqiq, daha tam söyləmək imkanına nail olundu. Beləliklə valideynlər övladlarının müəllimləri ilə daha pozitiv əlaqələr yaradır, uşağının vəziyyəti haqqında daha dəqiq məlumat əldə edir və onun problemlərini həll etmək üçün vaxtında ölçülər götürə bilirlər.Sonda təlimlərdə fəal iştirak edən şagirdlərə, onların valideynlərinə və müəllimlərə sertifikatlar təqdim edildi.
